Cada vez oímos falar con máis frecuencia de problemas de ansiedade, as veces trivializando, as veces dramatizando.

O primero a sinalar é que a ansiedade é unha reacción normal e sá. Experiméntase en situacións de perigo, delicadas,… Cando nos sentimos ansiosos, as funcións vitais aceléranse e, en ocasións, constitúense como unha vantaxe xa que nos preparan para a acción e reaccionar con rapidez.

Niveis moderados de ansiedade poden mellorar a nosa forma de actuar. Por exemplo, é necesaria certa tensión ante a realización dun exame, significa que estamos a implicarnos no que facemos.

Pero a ansiedade convértese nun problema cando xorde en situacións nas que non hai perigo real, ou persiste despois da que a situación estresante desapareza.

Cuando la ansiedad ya no es una reacción normalAfecta tanto ao corpo físico como á nosa psique. Sensacións como o medo, a angustia, o desacougo e o nerviosismo reflíctense en síntomas corporais como a tensión muscular, sudoración, respiración axitada, dor de cabeza, peito, costas, palpitacións, malas dixestións, etc..

Falando do que é realmente a ansiedade é preciso desmontar algúns mitos tales como:

- A ansiedade pode provocar a aceleración do ritmo cardiaco, pero por sí mesma non produce lesións coronarias.

- Ninguén chega a “morrer de medo” en contra do que apuntan lendas urbanas e nos mostran en películas.

- É moi desagradable pero non dana a mente, non se relaciona con trastornos mentais ou loucura.

En definitiva, a ansiedade non pode directamente provocar danos a nivel físico, pero sí é normal que produza cansanzo e resulte máis costoso facer frente a un día normal nas nosas vidas, así como favorece o desgaste e un deficitario funcionamento orgánico.

-Alimentación e ansiedade-

O órgano que máis enerxía consume é o noso cerebro. Precisa dunha boa achega nutricional para levar a cabo as súas actividades, polo que todos os cambios que introduzamos na nosa alimentación -e estilo de vida en xeral- inflúen no seu funcionamento e, ao mesmo tempo, a súa actividade inflúe no noso comportamento.

Consumir alimentos de baixa calidade, pobres en nutrientes-ricos en aditivos, colorantes e similares, e incluso a maneira de cociñalos ten un considerable impacto no noso estado de ánimo. Aprender a alimentarse adquirindo bós hábitos e desterrando os negativos é unha valiosa ferramenta para evitar e minimizar o impacto dos episodios de ansiedade, así como para fortalecernos ante situacións especialmente estresantes.

De entre a grande variedade de alimentos con nutrientes favorecedores do equilibrio emocional aquí comparto a miña selección de básicos imprescindibles nunha sá alimentación que nos axudan a minimizar o impacto da ansiedade na nosa Calidade de Vida:

Semillas Frutos secos

Sementes: xirasol, cabaza, liño,… son unha excelente fonte de graxas sás e Vitaminas do complexo B, pilares para o saudable funcionamento das células nerviosas.

– As noces que, polo seu contido en Selenio, actúan como dinamizadoras da actividade cerebral e protección das membranas das células nerviosas. A súa deficiencia asociase e episodios de confusión e estados depresivos.

– As améndoas, a maiores de ser unha valiosa fonte enerxética, conteñen unha respetable cantidade e variedade de micronutrientes favorecedores da actividade cerebral (destaca o seu contido en vitaminas B6 necesaria para a metabolización das proteínas e manter alonxada a fatiga, e vitamina B9, básica para o crecemento celular).

Plátano: xunto coas améndoas é unha auténtica xoia nutricional. Contén todas as vitaminas do grupo B, vitaminas A e C, e o quinteto mineral Calcio-Cobre-Ferro-Magnesio-Potasio que actúa sinerxicamente favorecendo a súa recíproca absorción (por exemplo, o Calcio precisa do Ferro e o Cobre para ser asimilado). Axudan a fortalecer o Sistema nervioso, manter un ritmo cardiaco estable e un constante aporte de Osíxeno a todas as células.

Suxíroche que non tomes froitos secos e plátano no mesmo prato dado que as froitas doces e as proteínas combinan mal a efectos de dixestión e absorción nutricional.

Brocoli Espinacas, verduras para el Sistema nervioso- Brócoli e espinacas: verduras estrela da tempada Outono-Inverno. Alto contido en vitaminas C e A respectivamente, así como o quinteto de minerais presente no plátano. Eso sí, é preferible cociñalas ao vapor para preservar os seus nutrientes (unha ensalada con cama crúa de espinacas é unha opción culinaria outonal moi saudable).

Xerme de Trigo: axuda a manter estable o depósito de Vitamina B (sobre todo en persoas que inxiren “respetables” cantidades de azúcares e/ou alcol). Tamén contén Vitamina E (fomenta a osixenación muscular e das celulas nerviosas o que evita forzar o corazón), e minerais como o Ferro e o Fósforo (contribúen a unha maior osixenación celular).

Mosaico de legumbres- Legumes: revive os pucheiros da nenez e aproveita conscientemente as virtudes destes alimentos tan sás como sinxelos de preparar. Fortalecen o corazón grazas ao seu contido en fitoesteroles e carecen de graxas saturadas. Os legumes son unha das mellores opcións vexetais para aportar enerxía constante ao organismo dado o seu baixo índice glicémico. Combinados con cereais constitúen un dos pratos básicos da dieta vexetariana.

Quero destacar o fundamental papel dun nutriente que todos inxerimos, pero que poucos aproveitan: o Osíxeno.

Aprender a respirar é unha gratificante práctica que favorece o funcionamento celular e optimiza as funcións vitais do noso organismo. A respiración deficitaria implica un baixo aporte de Osíxeno que inflúe directamente no funcionamento do cerebro, na cantidade e calidade das mensaxes entre células nerviosas, na vitalidade celular en xeral e, por tanto, na eficiencia nutricional.

A respiración deficitaria é unha das principais razóns polas que moitas persoas senten unha permanente sensación de fatiga, falta de concentración, apatía,… que inflúe no seu estado de ánimo e os fai máis vulnerables aos altibaixos emocionais e a “experimentar” episodios de ansiedade.

Oxígeno, Respiración, NutriciónRespira para Vivir e non para sobrevivir.

Concepción Rozas -Psicóloga clínica, Psicoterapeuta humanista-
Ana Sánchez -Naturópata, Osteópata-