Tanto no propio Centro METYS como nas diversas vías de comunicación que temos, oístesme falar da importancia de equilibrar os coidados internos e externos que prestamos ao noso corpo.

Este equilibrio reflíctese de maneira moi especial no aspecto do órgano máis grande da nosa anatomía: a pel, da que nos acordamos máis por cuestións estéticas e de “lucimento” que por Saúde.

Nesta entrada preséntovos unha pequena mostra de como a nutrición a nivel interno repercute no aspecto externo.

Aguacate: trío antioxidante composto por graxas monoinsaturadas (sobre todo, ácido oleico) e vitaminas C-E. A aplicación externa do aceite de aguacate prevén a erosión dérmica e atenúa as cicatrices e imperfeccións cutáneas.

Cenorias: o “efecto bronceador” das mesmas é a súa característica máis coñecida, pero poucos son os conscientes do seu alto valor para a nosa saúde intestinal dada a fibra que aporta. Un bó funcionamento intestinal é imprescindible para a boa Saúde de todos os nosos tecidos corporais.

Saúde a flor de pel

Froitos secos, xerme de trigo, aceite de oliva: alimentos versátiles dispoñibles todo o ano que aportan Zinc, mineral fortalecedor do tecido conxuntivo (pel máis resistente, firme, en definitiva, saudable).

Pepino: altamente calmante e hidratante que tamén axuda a neutralizar a acidez interna (unha pel seca, apagada, graxa é bastante sintomática dun desequilibrio ácido-alcalino interno).

Pomelo: aporta fibra e flavonoides (antioxidantes que favorecen a rexeneración celular), así como vitamina C promotora da síntese de coláxeno (pel elástica e firme!!).

Sementes: de Liño, de Cabaza, de Xirasol… e, sobre todo, de Sésamo dado que o seu contido en ácidos graxos reduce o impacto da oxidación celular.

Tomates: vitaminas A e C, ambas antioxidantes que actúan en sinerxia cos minerais que tamén contén. O Licopeno que conteñen, ao igual que os Betacarotenos das Cenorias, contrarrestan os efectos nocivos das radiacións solares.

Xudías verdes: a combinación de vitamina C e Ácido fólico contribúe a manter o sangue limpo que se traduce en menos erupcións cutáneas (graniños KO!!).

Como podedes ver, Nutrición Consciente e Beleza exterior son inseparables.

Ana Sánchez -Naturópata, Osteópata-