Saúde Integral

Esa tos, esa gorxa…

Tanto os cambios térmicos como as baixas temperaturas continuadas son constantes ataques ao noso Sistema inmunitario que, de non coidalo conscientemente, debilítase e desestabiliza a nosa calidade de vida. (Outros factores a ter en conta son o consumo de azucres, alcol, tabaco; a medicación, o colesterol e os triglicéridos altos e as reaccións alérxicas).

Dous dos signos máis visibles desta debilidade, e que cada inverno afectan a máis persoas, son a tos persistente e a irritación e picor de gorxa. Ambos adoitan ser o resultado da infección vírica que afecta ao tracto respiratorio, infección que de non atallar pode derivar en farinxite, bronquite ou neumonía.

Substancias naturais como o Propóleo e a Equinácea axudan a previr a debilidade do Sistema inmunitario, así como combaten as infeccións microbianas, bacterianas, de orixe vírica e a inflamación. Os suplementos con vitamina A, C e/ou Zinc melloran a produción de leucocitos e a resposta inmunitaria fronte a axentes patóxenos.

Recordemos a conveniencia de manter o corpo hidratado con bebidas quentes (infusións de tomiño, eucalipto, fiuncho, té,…), froita fresca e pratos de culler ricos en minerais que nos axudan a minimizar os síntomas e favorecen a recuperación e descanso de calidade (cando descansamos quen “está activo” é o Sistema nervioso parasimpático, encargado de reequilibrar o noso metabolismo e favorecer a relaxación e o soño).

Un bó fondo de despensa tamén axuda a manter forte o Sistema Inmunitario. Aquí vos traemos NutriSuxerencias elaboradas con alimentos moi saudables que podedes adquirir en A Horta do Avó:

CaldoVexetal AHortaDoAvo

– Xarabe de cebola para a tos: seis ceboliñas medianas con media taza de mel (125 ml. aprox.) nunha potiña. Cocer a lume lento durante dúas horas, colar e tomar a intervalos regulares (preferentemente quente).

– Xarabe antiinflamatorio e expectorante: raiar 40 gramos de xenxibre fresco e botar nunha potiña xunto co zume dun limón (tamén podemos engadir a raiadura, sempre que o limón sexa ecolóxico), media taza de mel (125 ml. aprox.) e medio litro de auga. Cocer a lume forte durante 45 minutos, triturar e tomar tres culleres diarias.

– Aproveitemos para macerar allo nun bó aceite de oliva e engadilo aos consomés, cremas e caldiños vexetais.

– A Horta do Avó ofrécenos esta receita sana, económica e moi gustosa: premer aquí para ver a receita enteira.

Ana Sánchez -Naturópata, Osteópata-

 

Revitalizando as nosas defensas

As carencias nutricionais, a toma de medicamentos, a deficiente xestión das nosas emocións, o estrés e o axitado ritmo do día a día, a falta de exercicio físico, de descanso e de ocio saudable son elementos que debilitan o noso organismo expoñéndonos a infeccións víricas, por microbios e bacterias.

Para reforzar o noso Sistema inmunitario dun xeito eficaz e natural, propoñémosvos os seguintes NutriBásicos:

PotaxeLentellaVermellaCabaza

Legumes: deliciosas e moi versátiles. Ricas en vitaminas e ferro, micronutrientes clave para as nosas defensas e a nosa saúde en xeral.

Allo: antiséptico e antibiótico natural por excelencia. Con acción expectorante e lixeiramente diurética, axuda a expulsar mucosidades e toxinas en xeral. É moi rico en minerais como o Magnesio, Calcio, Zinc e Ferro.

Cebola: rica en azufre de acción antimicrobiana. Tamén posúa propiedades antioxidantes, analxésicas e antiinflamatorias.

Xenxibre: antiinflamatorio e antibiótico natural que tamén axuda na fluidificación das flemas e protexe a mucosa gástrica.

Mel e os seus derivados: unha das maiores xoias que nos ofrece a natureza. É un supercóctel enzimático, mineral e vitamínico con acción antibiótica, antimicrobiana e moi revitalizante!!

En BioAgarimos, a tenda EcoNatural do Centro METYS contamos selección de complementos de calidade (pincha aquí) para reforzar as vosas defensas, e todos estos NutriBásicos que vos recomendamos dende o Centro METYS podedes adquirilos en A Horta do Avó, establecemento especializado en  alimentos ecolóxicos.

Compartinos a saudable e moi asequible receitiña cortesía de A Horta do Avó… e que a nós encántanos!!

Potaxe de lentella vermella e cabaza: lentella vermella (100 grs. para dúas racións), cebola, cabaza, cenoria, allo e xenxibre.

- Cortar en dadiños e a cenoria e pochamos con aceitiño de oliva primeira presión. En canto se dore, engadir cebola picadiña e rehogar ata que esta tamén se doure.

- Engadir as lentellas vermellas e medio litro de auga quente ou caldiño vexetal. En canto rompa a ferver, baixar o lume ao mínimo e cocer cinco minutiños. No momento de servir, raiar xenxibre e allo crú ao gusto.

Ana Sánchez -Naturópata, Osteópata-

Programación de Primavera

Durante os meses de Abril, Maio e Xuño, no Centro METYS celebramos unha serie de conferencias abertas para todos os públicos sobre temáticas como:

  • A astenia primaveral
  • O suicidio -epidemia silenciosa-
  • Muller e hábitos alimentarios
  • Hábitos sociais e saúde psicosocial

 

 

 

 

“Compostela en Negro” é unha campaña para visibilizar a oposición á violencia de xénero.

Esquecemos, con todo, que dita violencia non é algo puntual e que para evitar esta “lacra social” é necesaria a educación en valores. Indignarnos cando unha muller morre ou adicarlle un día non é para nada suficiente na loita construtiva contra o sinsentido da violencia.

E a perplexidade vese aumentada cando nalgún concello convócanse “quedadas” de baile para conmemorar o día contra a violencia de xénero. Así, unha conmemoración para reflexionar, replantexarse comportamentos e fomentar cambios de actitudes, convértese unha vez máis nunha escusa para actividades comerciais, festeiras, de publicidade.

Hai actitudes machistas, e non só nos homes, cando se acusa á parella dunha muller por non acompañala-axudala-levala aquí ou alá, como se a muller non tivera dereito á sua independenza, ou argumentos de control coa escusa do amor ou a seguridade.

Só temos que preguntar quen é o responsable cando unha muller sofre esta violencia: o 90% dos adolescentes din que a propia muller por poñerse en perigo e actuar irresponsablemente, por non ter denunciado, por levar certo tipo de roupa, porque un home non a protexeu, por actuar pola súa propia vontade… e case ningún dirá que o responsable é o que leva a cabo a violencia.

transparenciaviolenciaxeneroCulpabilízase á vítima se é muller e así apláudese nun estadio a un acusado de malos tratos, mentres se entonan cantos insultantes hacia a muller. Por suposto, ningún dos espectadores recoñecerá ser machista ou falto de valores.

E non nos enganemos, o machismo non é exclusiva dos homes. Podemos ver mulleres con comentarios machistas sobre outras mulleres nas redes sociais ou en intervencións nos medios de comunicación.

Agora que os anuncios do Nadal arrincan con forza non estaría de máis fixarnos no sexismo de determinadas marcas de perfumes ou de roupa e reflexionar se é realmente o que queremos mercar, a imaxe que queremos compartir, os valores a fomentar,…

E non esquezamos o emprego das novas tecnoloxías como medio de acoso e violencia.

Se non hai unha campaña real e non de marketing para cambiar crenzas e actitudes espérannos mil invernos máis.

Concepción Rozas

A mente non se equivoca

A mente non se equivoca, avisa. Se se ve saturada ou con conflitos, avisa. Se hai tristura ou estrés, avisa. Se a nosa mente non recibe os coidados que require, avisa.

Buscamos alimentos sanos, productos de calidade, exercicio para tonificar, pero que facemos para  manter a nosa mente en equilibrio?.

Foto2 Desconectar unha necesidade

Se hai unha inflamación ou infeción física a súa manifestación lévanos a actuar físicamente pero cando temos estrés, conflitos non resoltos, emocións en desequilibrio, que facemos? A nosa mente insistirá como a alarma que é. Podemos apagar o síntoma con calmantes ou calquer medicamento que sirva para non sentir e incluso non pensar. Pero é como silenciar a alarma da nosa casa mentras están entrando pola chimenea.

O corpo comunícase coa mente a á inversa. Non somos unha dualidade mente-corpo, somos corpo e psique.

Cambiar a dinámica mental é posible. Recurrir a profesionais da psicoloxía pode axudar a mellorar a nosa saúde psicofísica e social.

Leer máis: http://www.lavanguardia.com/vida/20161003/41689605446/fibromialgia-dolor-david-sojo.html?utm_campaign=botones_sociales&utm_source=facebook&utm_medium=social

Concepción Rozas. Psicoterapeuta.

 

 

 

Atendendo ás necesidades e capacidades de cada participante, a actividade físico activa e supervisada contribúe a reducir os niveis de estrés e ansiedade, ao tempo que incrementa a concentración e a relaxación consciente e a prevención de molestias articulares e musculares.

QueFacemos AcondicionamentoFisico

Co traballo “Tono-Enerxético” estimulamos o noso Sistema Inmunitario, Linfático, corazón, músculos e articulacións. Gañamos flexibilidade, forza e resistencia; aumentamos a nosa coordinación e capacidade de concentración e melloramos a nosa postura corporal.

A través da “Relaxación-Revitalización” cultivamos o equilibrio Corpo-Mente. A práctica consciente de diferentes técnicas de respiración, relaxación e estiramentos calma a mente reducindo os niveis de ansiedade e estrés, mellora a osixenación do corpo e fortalece o organismo.

Consúltanos sobre as distintas opcións de traballo (flexibilidade horaria, sesións individuais e en grupos reducidos).

 

Conferencia-paseo organizada dende o Centro METYS na que María Moure de Oteyza (licenciada en farmacia) achegarános aos usos tradicionais das prantas medicinais en Galicia, con especial atención á rexión do Courel.
Tras a conferencia, realizaremos un paseo práctico pola beira do río Sarela para coñecer “in situ” a flora deste bonito entorno compostelá.

Capuchina

Capuchina

Hedra

Hedra

 

 

 

Dente de León

Dente de León

Herba de Sete Costas

Herba de Sete Costas

Capelexo

Capelexo

Colondrillo

Colondrillo

 

AlgaChlorella

Xunto coa alga espirulina, a chlorella -alga unicelular de auga doce- é un auténtico diamante de clorofila, antioxidantes e aminoácidos (contén os oitos aminoácidos esencias, polo que as súas proteínas son completas).

Tamén destaco a súa riqueza en vitaminas do grupo B, fibra e Magnesio-Calcio-Zinc-Ferro.

As propiedades que máis salientables considero son:

Acción “detox”: o inositol que contén evita a fixación de graxas no fígado e nas arterias, así como que é unha substancia queladora de metais pesados (mercurio, plomo, cadmio,… altamente tóxicos e “teñen preferencia” por fixarse nos nosos tecidos, véxase o cerebro, intestino,…)

Efecto alcalinizante: a combinación de antioxidantes xunto co seu  contido en clorofila depura o sangue e equilibra o ph de fluídos e tecidos.

Acción cicatrizante: estimula a curación das mucosas danadas, polo que nos cadros de inflamación intestinal e hiperpermeabilidade a chlorella é unha grande aliada.

Acción prebiótica e probiótica: novamente a clorofila xoga un papel fundamental nestas dúas propiedades das que o noso intestino é un dos maiores beneficiados. Diminúe a proliferación de bacterias microorganismos patóxenos. Ademais, a chlorella posúe no seu núcleo unha substancia chamada “Factor de Crecemento Chorella” composto por aminoácidos e ácidos nucleicos que “acelera” a súa capacidade de rexenerar as nosas células e a proliferación de bacterias lácticas que contribúen a un bó estado do noso Sistema inmunitario.

Ana Sánchez -Naturópata, Osteópata-
Espirulina

A primitiva Espirulina

A espirulina -tipo de microalga de auga doce- é unha das miñas algas preferidas, e non polo aporte de vitamina B12 (en estado inactivo que pode chegar a interferir a correcta absorción da vitamina B12 activa), senón pola acción detox-antiox, a súa riqueza protéica e o dixerible que resulta. Unha ración de aproximadamente 30 grs./día de espirulina aporta todos os aminoácidos esenciais (ao nivel do ovo e superior á soia e ás carnes). É unha das razóns polas que a recomendo incluír na despensa de deportistas, persoas con alto desgaste físico, etapa de crecemento, convalecencia e terceira idade.

Contén Calcio, Fósforo, Magnesio e Vitamina E (máis incluso que o xerme de trigo) que “alimentan” os nosos dentes, fibra muscular, mucosas; facilitan as funcións cognitivas,…

Moi interesante tamén é o seu contido en mucílagos, fibra soluble con alto poder saciante, antioxidante e favorecedor da motilidade intestinal. As bifidobacterias que contén axudan a rexenerar a nosa flora intestinal polo que contribúen ao bó funcionamento do Sistema Inmunitario e dixestión sen sobresaltos.

A estas propiedades, sumádelle unha potente acción quelante de toxinas e metais pesados, rexeneradora celular e de apoio ás funcións hepáticas (e tamén que a alga espirulina non hai que remollala nin cociñala, podemos espolvoreala en calquera comida ou engadila ao sal e/ou outras especias coa que enriquecemeos os nosos aliños).

Primitiva, microalga… e unha auténtica xoia nutricional.

Ana Sánchez -Naturópata, Osteópata-
Curcuma

Orixinaria de rexións tropicais e familiar do Jengibre, a cúrcuma é unha das especias básicas na cociña e na mediciña aiurvédica (crese que fortalece o corpo, regula a menstruación, mellora as dixestións e alivia afeccións inflamatorias como a artrite).

O uso máis extendido é como como colorante alimentario -número E-100 (i)- básico na elaboración do curry. A curcumina, o seu principal principio activo, é realmente a que lle confire á cúrcuma propiedades como:

Acción antiinflamatoria: reduce a inflamación dos tecidos e axuda a eliminar as toxinas resultantes da mesma. Tanto en uso interno como vía tópica, favorece a abordaxe do acné, dermatite, artrite e rixidez articular en xeral.

Acción colerética e protectora hepática: favorece a produción de bilis por parte do fígado co que mellora o proceso dixestivo en xeral e frena os síntomas da dispepsia (náuseas, gases, pérdida de apetito, distensión abdominal), e axuda na rexeneración das células hepáticas.

Anticoagulante: inhibe a agregación plaquetaria polo que axuda a previr a formación de trombos.

Antioxidante: nalgúns estudos incluso fálase de que é máis potente que a Vitamina E fronte á acción oxidativa dos radicais libres nas nosas células. Esta propiedade é moi valorada na abordaxe das patoloxías dexenerativas (ateroesclerose, alzheimer,…).

Curcuma2Podemos inxerila en comprimidos con boa proporción de curcumina e tamén en cantidades razoables na nosa alimentación diaria para aliñar as nosas ensaladas, cremas de verduras, zume de laranxa-limón, batidos verdes, infusión… (as persoas con úlcera gastroduodenal, as embarazadas e as que xa están a tomar algún tipo de anticoagulante son as que máis atención deben prestar ás cantidades).

Ana Sánchez -Naturópata, Osteópata-