Vitamina C (Ácido ascórbico): necesaria para a saúde dos tecidos conxuntivos do noso organismo e a curación de feridas. Facilita a absorción de outras vitaminas e minerais como o Ferro. Posúe propiedades altamente antioxidantes. Atópase nas froitas cítricas, as froitas vermellas (fresas, moras), vexetais de cor verde, pementos,… A súa carencia conleva unha menor resistencia ás infeccións e o alongamento dos periodos de convalecencia. Tamén hai que ter en conta que unha inxesta excesiva vía suplementación (máis de tres gramos diarios) acidifica a orina aumentando o risgo de formación de cálculos renais.
Vitaminas do grupo B: son altamente necesarias para o bo funcionamento do Sistema Inmunolóxico, os Aparatos dixestivo e circulatorio, así como para o tecido muscular.
B1 (Tiamina): participa no bo funcionamento do Sistema Nervioso, metabolismo dos Glúcidos (Carbohidratos), rexeneración e mantemento do tecido cutáneo. Atópase en alimentos como os cereais integrais, legumes, froitos secos e levaduras.
B2 (Riboflavina): intervén na transformación enerxética dos alimentos para os distintos aparatos do noso organismo. Axuda na rexeneración cutánea, das mucosas e coidados oculares (osixena a córnea). Atópase nos vexetais verdes, cereais integrais, lácteos e carnes varias.
B3 (Niacina): actúa na síntese dos ácidos graxos e no metabolismo dos Macronutrientes. Axuda a regular a glicosa en sangue e equilibra os niveis de colesterol. Atópase nos cereais integrais, legumes, sementes, peixes como o salmón e algunhas carnes.
B5 (Ácido pantoténico): interven en moitas das reaccións metabólicas do organismo, así como na síntese da glicosa e ácidos graxos. É moi abundante nos alimentos integrais e nos ovos.
B6: actúa na metabolización das Proteínas e na formación da Hemoglobina. É aconsellable aumentar a súa inxesta no caso de tomar anticonceptivos orais, alto consumo de alcohol e durante o embarazo. Atópase nos cereais integrais, froitos secos e na maioría das verduras e froitas (especialmente, no plátano). A súa carencia pode causar fatiga.
B8 (Biotina): tamén chamanda Vitamina B7 ou Vitamina H. É unha das máis estables ao calor. Intervén no metabolismo de todos os Macronutrientes. Atópase en alimentos como os guisantes, froitas como a sandía, fresas, plátanos,… froitos secos, polo e algúns peixes. A súa carencia preséntase con náuseas, palidez, vómitos, fatiga,…
B9 (Ácido fólico): é unha vitamina básica para o crecemento celular, de ahí a súa grande importancia durante a xestación. Esta vitamina é unha excepción no seu grupo dado que sí se almacena no fígado. Alimentos ricos en B9 son os vexetais de folla verde, os froitos secos (sobre todo, as améndoas) e a levadura de cerveza. A súa carencia provoca cansanzo, insomnio, inapetencia e malformacións no feto.
B11 (Carnitina): alto poder antioxidante que protexe á Vitamina C. Axuda a reducir os niveis de triglicéridos e colesterol en sangue, así como acelera o proceso de elaboración de enerxía efectuado no fígado a partires das graxas. Atópase no xerme de trigo, levadura de cerveza, cacahuetes, lácteos a carnes vermellas. A súa carencia provoca cansanzo, mareos, debilidade muscular,…
B12 (Cianocobalamina): contribúe ao normal funcionamento do Sistema Nervioso e ao crecemento. Resulta indispensable para a Médula ósea, o tracto gastrointestinal e a síntese de Glóbulos roxos. No mundo vexetal podemos atopala na levadura de cerveza e na soia, aínda que nos produtos de orixe animal atópase en maior cantidade. A súa carencia debilita a Mielina (a membrana que recobre as células nerviosas) e pode provocar anemia perniciosa.
Ana Sánchez -Naturópata, Osteópata-